لهجتنا الحجازيه الجميله ولا تجيبو سيره ...

الموضوع فعلا جيد الرجاء القراءه والرد

اللهجة الحجازية :هي لهجة أهل المنطقة الغربية في السعودية وتتمركز بالذات في مكه وجده والمدينة والمدن القريبة منها اكثر من باقي المدن اللي في الغربية وهي لهجة تأخذ من اللهجة البدوية و اللهجة المصرية ولكنها تميل الى المصرية والسبب انه ايام العثمانيين كان فيها مصارية كتير قد الجبل
وطبعا تختلف لهجة العجايز عن الجيل الحاضر ..
لهجة العجايز تحسوها معتقة ومصطلحاتها القديمة ما تنفهم وما يستخدموها الا عتقية البلد اما الشباب حقون دحين ما عاد صار يستخدموها . وكمان ما ننسى ان اللهجة الحجازية فيها الكثير من الأمثال القيمة

وبسم الرحمن نبدأ في بعض ما تختص بيه لهجتنا الحجازية الغاليه :
مصطلحاتنا :في كثير من المصطلحات الحجازية اللي من الصعب انو اي واحد غير حجازي يفهمها واتفضلوا هذي بعضها :
اندر بره : اخرج
اديلو : اعطيه
الدهليز : مدخل البيت
الكرتة : الفستان
الكندره : الجزمة اكرمكم الله
القنعه : العبايه
الكرويتة : دكة خشبية
الزقاق : الشارع الضيق
وأعتقد أنها أصبحت كلمة معروفة بفعل النزح المكاوي على المدن الأخرى، وهو المعروف عند أهل نجد بالدعتسوس الداعوس <---- زقاق أهون وربي
باختصار هو الشارع الضيق
دندرمة : ايس كريم و تراها مي سبّة تراها كلمه معروفة جداً، وبعد دخول التطور إلى الحواري المكّاوية أصبحت تعرف بالآيس كريم
دحديرة : نزلة او منحدر
الدبش : اغراض العروسة قبل لا تتزوج
القابلة : بكره = اللي تولد الحوامل
المملك : المأذون الشرعي
الدقيسي :الفراغ اللي تحت الدرج أو المخزن
المرقعة : الدلع والمياعه في الكلام والتصرف
يتتريق : يستهزء
اللغوصة : نقل الكلام وتسبيب المشاكل
الدحلسة : اذا كنت بتتمصلح مع واحد عشان تبغى منه شي تقول يدحلس .
هججوني : ازعجوني
قوامن : بسرعه , حالاً
مضليون : طبعاً الكلمة هذي تحفة اللهجة المكاوية، وكانت النساء تتفاخر بمن تملك فيهن مضليون
حتى أن أحدهن قالت : وي يا فايقة يا أختي .. والله جوزي صدقة جابلي مضليون والمضليون هو البروش الذهب
الحرمصة: يقولك في غابر الغابرين ( واحد متحرمص على نتيجته) والمعنى العلمي لها هو عدم الاستقرار النفسي أو انتظار الشيء على أحر من الجمر
المرمشه: بفتح الميمين هي نهش ما على العظام من اللحم، أو نهش ما على أي شيء من أي شيء
الزبلحة: ياساتر على الكلمات اللي تودي فدهية، المهم الزبلحة هي قلة الأدب والتواقح في الكلام
العكننه : وهي التنكيد على شخص معين،
و في مصطلحات كتيرررررررررر غيرها .

2- أمثال حجازية :
إذا جيت رايح كتر من الفضايح.
او إذا جيت رايح كتر من الملايح
بعد ما أكل واتكا قال ريحة اكلكم مستكا.
حاجه ما تهمك وصي عليها جوز أمك.
ست وجاريتين على قلي بيضتين.
أعمى ويلضم خرز.
دلع الكبار زي الشقدف على الحمار.
اللي ماله أم حاله يغم.
كنس بيتك ورشُه ما تدري مين يخشوا.
كل حبه مسوسه لها كيال أعور.
على قد زيتوا سرجلوا.
الخايبه تتعلق بالحبال الدايبه.
عقربه في الغار ولا ضره في الدار.
خاتم بفصو وكل شي ترصوا.
أهري وانكتي يا جاره وأنا ثابته زي العماره.
شايل لنا طيران عبد القادر
لو لك شي عند الكلب قول له يا سيدي
لا تقرصيني يا نحله ما أبغالك عسل..
يحسدوا الفقير على موتت الجمعه
سكتنا له دخل بحمارووو
ما يقدروا على الحمار يقدروا على البردعة
اذا حلقوا لغيرك بل راسك واستنى
ايش عرف الحمير بأكل الجنزبيل
البيض الفاسد يدحرج على بعضه
اذا تعاندوا الحمير يا بخت الركاب
البيضه ما تخابط حجر
حبيبك يمضغ لك الزلط وعدوك يعد لك الغلط
حمارتك العرجة تغنيك عن سؤال اللئيم
داخل لبيت العروسه نادر من بيت العريس
ياريتني بيضه وعرجه اصلوا البياض فرجه(بضم الفا).
يااخد القرد علىماله يروح المال ويبقا القرد على حالو
الله من محبته في عبيدو جعل العمر والرزق بيدو.
اللي يشوفني بعين اشوفوا باتنين.
اللي ماله ام حاله يغم.
مين يشوفك يالي في الضلام تغمز
فقير اتجوز فقيرة خلفوا وجع القلب
كبيرهم فلفل وصغيرهم زنجبيل واللي في الكوفلة يقول من العايدين
خشوني لاتنسوني ولعوا الشمعة وشوفوني
الصرمة والقبقاب صاروا أصحاب
يا داق الموية في المهراس يا مربي وليد الناس
كل عيش البخيل ولا تأكل عيش المنان
أدب ولدك وان زعلت امه
يابخت من بكاني وبكى الناس عليه ولا من ضحكني وضحك الناس عليه.
رضينا بالهم والهم ما رضي بينا
اتملت العدوة وقلت المروه
أكلوا الملوخية وصاروا أفندية
لمن كنا ما كانوا ولمن رقدنا قاموا
قالوا متى طلعت القصر قالوا أمس العصر
العروسه للعريس والجري للمتاعيس
سلامتك والهيل والقرنفل قمامتك
اللي يشيل قربه مخروقه تخر على راسه
الحجر من الارض والدم من راسك
أخوانك من أمك زي الدهب في كمك و أخوانك من أبوك زي القوم لما ينهبوك
من بيت أصقع لبيت أرقع
مطبق العاده و معصوب كل يوم
في كل محضر بالتوب الاخضر
باب المجلس يقول باب السطوح .. اللي يجي يجي .. واللي يروح يروح
خليها في القلب تجرح و لاتخرج بره ترمح
الحر من غمزة والحمار من رفزه
يضرب هذا المثل لايضاح الفرق بين النبيه والبليد.
حمار الحكومة حكومة
يضرب هذا المثل للموظف الصغير المتسلط على الناس
خطبوها اتعززت تركوها اتندمت
يضرب لمن يتظاهر بعدم الرغبة حينما يعرض عليه امر ولكنه يندم بعد فوات الاوان
دلع الكبار زي الشقدف على الحمار
يضرب هذا المثل لخروج العجوز عن وقاره وجديته
والشقدف عشان الاسئلة بس:ما كان يوضع على الجمل ليجلس فيه المسافرون
كل حبه مسوسه لها كيال اعور
قلبي على ولدي انفطر وقلب ولدي عليا حجر.
و لا تنسوا ارضى بقردك لايجيك اللي أقرد منوو
الحب عياقة ...توب بلا ياقة

الالقااااااااااااااب :
عندنا في الحجاز وخصوصا مكه في اسماء يعطوها كنيه او لقب على سبيل المثال واحد اسمو عبد الله يقولولو أبو عابد ... وهذي بعضها :
عمر : أبوسراج
حسن : أبو على
حسين : أبو هلال
يوسف : أبو يعقوب
عبدالله : عبادي او ابو عابد
عبدالرحمن : الوجيه
عبد الرحيم : أبو رحمه
فيصل : أبو عبدالله
عبد العزيز : عزيز أو ابوسعود
فاطمة : فتو
مريم : منّة
ابراهيم : أبو خليل

كمان الحجازيين فيهم اخلاق و احترام مافي بعدها
لما يطلب منك سكينه ايش يقول ؟
يقولك الله يخليك اديني سكينة في قلب العدو
لما يقلك كنت ب أكل
يقلك كنت ب أتعشى مثلاً فضله خيرك

اشياء و تراجمها :
بيت الما: وهو ما يعرف حاليا (بدورة المياه) وقد سماه الجيل الصاعد المكاوي الآن (الطهارة) وقد ورد انه تم التسمية هذه على أساس انه مكان كبير في البيت يوجد فيه الماء فسمي بـ بيت الما.
المركّب: بتشديد الكاف، وهو ما يسميه جميع الناس الآن (المطبخ) والى الآن يعتبر علماء اللغة العربية هذه التسمية من عجائب التسميات لأنه لا يوجد سبب معروف للتسميه هذه إلى الآن!!!!
الدقيسي: بتشديد الدال وكسرها وكسر السين، وهو ما يعرف بالمستودع ، يقول الكاتب المكاوي (محمد يواد فلاته) أن التسمية تعود إلى الحرب العالمية الأولى حيث استخدم أول مره كمخزن للذخائر وسمي في مكة بالدقيسي ، وقد قام جيل 2000 من شباب وشابات مكة بتسميته بالمخزن بدافع التطور.
القرندي: بفتح القاف والراء وتسكين النون وكسر الدال <<<مشوار ها؟
وهذا نوع من أنواع مداعبة الأب المكاوي لابنه فعندما يناديه ويتأخر 3 ثواني يقله (بسرعة عساك القرندي)
ويفسر علماء الجن أن القرندي نوع من أنواع الجن وببساطه يدعي الأب على ابنه بالقرندي <<شفتو اللطافه.
الفقده:مفعول عشانه من فعل يفقد، وهذا نوع آخر من أنواع المداعبة وهي الخاصة بالأم المكاويه.
حيث تداعب أولادها بـ (تعال الله يفقدك)
توتوا: وهو نوع من أنواع المعادن المكتشفة في الاوديه المكاويه. ويستخدمونها المكاوية في تصنيع نوعين من الأشياء اللي تنحط فيها مويه للشرب وهو ما يسمونها زينا (الكاسه) ومو زينا (المغراف).
المغراف:هو نوع من أنواع الكاسات التوتوا ، في حين انه تمت إضافة معلومة من علماء الجن المذكورين سابقا
انه في مرة من المرات قامت أم تداعب ولدها لصغير (الشقي) اللي يلعب يالمغراف وقالتله الله يفقدك بس
وبعدين قالت خلاص يامغراف خده وفي لمح البصر اختفى الولد ، والمغراف هو نوع من أ نواع الجن
وكان بالصدفة متواجد في مكة هذا الجني ههههههههههههههههههههه
على طبطابي .. : يعني على مزاجي
مِرَسْتَكَه ..: يعني متأنتكه يعني مرة شياكة .. ومرتبّة
وايق : .... يعني طالع .... يعني مثلاً تقول .. : ( ياواد وايق زي الناس لا اهبدك باتقل شي قدامي ..
و لا أهبدك اللين أجدد ايمانك
تزل ... : يعني تمر
مرحبمبك ... : يعني مرحبا بك .. بس باختصار شوية
باطِرمَة ... : يعني جلسة ... كنب حاجة زي كده ...
كَرَاوِيتَه : ... حاجة خشب كده ... يحطوا عليها الباطرمة ....
مَدَارِيْه : ...... مراجيح ...
ندرت عينك من حُقّها ... : يعني خرجت عينك من محلها .... كده
شَلْمَه ...: يعني فجعه .. يعني مثلاً تقول ( اشبك ياواد مشلوم كده عالاكل ؟؟ ) ..
قيّسْتَك : ... يعني حسّبتك .... توقعتك .... هقيتك
يعني مثلاً .. ( قيستك ياواد حتزل على عمتك فتّو ) ... وه ياستيته ..
بُخْنُق ... : اللي يتلبس في الراس ويكون مخيّط على قده ....
مِدَهْمَلْ : .... يعني مبهدل .... يعني مثلاً ( اشبك ياواد مدهمل كده .. لاتكون كنت بتلعب في المداريه ) ؟؟
دهليز : يعني سيب (... سيب وانا اسيب )..... يعني محل كده زي اللي يكون قدام ابواب العماير
من جوّه ....
زنبيل : ... يعني كيس ...
زلطة : .... سَلطة بعد التعديل ...
يدعك : ... يعني يفرك ... يعني مثلا ايش بتسوي يابت ... بادعك الاسورة .. روحي يابت عساكي بداعوك يدعك مصارين شيطانك غسلي الصحون بدل مانتي قاعدتلي كده لاشغله ولا مشغله
...
مجغجغ : مليان مويه
لعيونكم كمان محادثه مكاويه :
ماجد ابو صدقه / يواد يامعمر
عمر ابو سراج / هلا مجود
ماجد ابو صدقه / كيف الحال والتحوال
عمر ابو سراج / خليها على ربك ياشيخ
ماجد ابو صدقه / بلا في شكلك ... خاربها من بدري ... اشبك
عمر ابو سراج / لا بس البزوره جابولي القلق
ماجد ابو صدقه / صفقهم احسن لك
عمر ابو سراج / يابن الحلال الحرمه دي زي المرض قاعدتلي
ماجد ابو صدقه / من جد ... المهم رايح القهوة
عمر ابو سراج / قدام ... والله مره المنجا عندي يبغالها ترويق
ماجد ابو صدقه / هه مايبغالك الا باعشن
عمر ابو سراج / من جد ... سرينا
ماجد ابو صدقه / خلاص بعد نص ساعه امرك
عمر ابو سراج / هيا لا تتاخر ... تراها واصله معايا
ماجد ابو صدقه / بس تره مفلس
عمر ابو سراج / لا تشيل هم .. انا منقرش
ماجد ابو صدقه / الله عليك ياعمده .. او كي يالله القاك هناك
عمر ابو سراج / على خير
هذا اللي عندي بصراحه واتمنى ان الموضوع يكون عجبكم

واي واحد عنده اضافات أتمنى انو ما يبخل علينا والله يعطيكم العافيه
احيانا والله اعلم يقولو السمك عرّق!!!!!!!!!!!!!!!!!!!!!!!!!! !!!!!!!!!
يعني نزله عرق
ليه ياربي؟؟
وهذا يدل على سوء القلي
و في النهايه أقول اهل مكه حمام واهل جدة قماري
و مالي شغل ب الباقي كل مين يمدح نفسووو ..

للأمانه الموضوع منقول وزي ماقلتلكم لاتجيبو سيره

التليك : يعني الشبشب ولايطلق الا على شبشب الزنوبه يعني الاسفنج
الصماده : وهي الغتره
البسطار : الجزمه
السندره : الغرفه العلويه فوق دورة المياه وتستعمل كمخزن
الدكه : وهي معروفه ولكن كانت البيوت جميعها امامها دكه للجلوس امامها ووجدت نفس العاده في اسوان مصر
الواد مجغ : واترك المجاغه : وهي البياخه السخيفه المقرفه
متروس : يعني متعبي او مليان
الاحرام : ايضا تطلق على الغتره بكسر همزة الا
يوووووووووووي : وهي لفظة غزل تستعمل للحلوين في الشارع
اموت كندا وأحيا استرالي : وهي تقال عند سماع شيء تعجب به
كنت في طوكيو : وهو الجواب الي يقال بلفظة الاستهزاء وعناها (يعني رايح اكون فين ؟ )
تدقر : وهي لفظه لها عدة استعمالت والاساس هو الاسناد يعني اسند السياره بحجر فتقول دقر لها بحجر بتشديد القاف
تلبيق : اي توقف السياره خلف الاخرى وتستعمل في الشارع بمعنى قليل ادب من باب المزاح
شطيطه : وهي الشطه ووجدت اهل اسكندريه يقولونها
الشماله : وهي ستيان الغنم (توضع لتغطيه ثدي الغنم )
الفورمه : وهي قصة الشعر للبنات
تواليت : وهي حلق الشعر من الخلف وترك جزء منه في الامام للاولاد

اشبكم اتكتمتوا كتمة الفول المدمس (تقال للذي لايستطيع الرد )
افندي طز ........اكل اللحمه وخلى الرز (تقال للمتفلسف )
سكتنا له دخل بحماره

وٍأورد هنا بعض الامثال والهروج الحجازيه
اخر الزمر طيط
ابليس ما يكسر قواريره
ابن الحيه حويه
اتلم المتعوس على خايب الرجا
احتارت المقينه في الوجه الغلس
احييني اليوم وموتني بكره
ادعي على ولدي واكره من يقول امين
اربط الحمار جنب الفرس اما اتعلم اما درس
ادن طينه وادن عجينه
كيف حال ضعيفكم قالوا قوينا مات
اصبر على جار السوء يا يرحل يا تجيلو داهيه
اصحاب العقول في راحه
الاصل الردي يبان على صاحبه
اعرج ويرقص في النخل
اعمى يجر اعمى ويقول ليله سعيده اللي اجتمعنا
اقطع العرق وسيل دمه
اكفي القدره على فمها تطلع البنت لامها
الف دقن ولا دقني
اكثر من الهم على القلب
اخدوا الهديه وكسروا الزبديه
امسك لي واقطع لك
اذا تفلت فوق في وجهك وان تفلت تحت في دقنك
انا غنيه واحب الهديه
انا امير وانت امير مين فينا يسوق الحمير
اذا عشقت اعشق قمر ... واذا سرقت اسرق جمل
انحرق الوجه والقفا ... والعدو لسع ما اشتفى
اهل الميت صبروا والمعزين كفروا
اول سومه دهب
اول شيله في الحج تعبانه
اول ما شطح نطح
ايش ياخد الريح من البلاط
اذا صفيت النيه لقمه تكفي ميه
اذا شفت الحافي قول يا كافي
اذا جا العيب من اهل العيب ماهو عيب
اذا اتفتش العيش ما يتاكل
اعطي ولدك للي عنده ولد
اكل العيش يحب طولة البال
الاصيل يعمل باصله
ادهن السير يسير
ارسل مرسول ولا ترسل فلوس
امر من الصبر
" " العلقم
" " الحنظل
الهي الكلب بعظمه
ان ما تدوس على البسه ما تخربشك

صجج : وتقال معنى الله يصجك صجيتنا اي ازعجتنا واختصار هذه الجمله والقول( صجج )
رجج : اي الله يرجج اي يهزك وتبقى مجنون وتقال من باب المزاح (والانبساط من الشخص )
كويحه : ياأسود
فقي : يقال للافارقه
جبرتي : اي تقال للافارقه
كور : تقال للافارقه
المثل : قلنا له ثور قال احلبوه ..................

حجي تخته ؛ لقب للبخاريه
فلان تركي : يعني ماعنده مخ
الزول : معروفه طبعا
ابو شكيم : لقب للفلسطيني
ابو عرام : الحونشي والحونشي هو الفتوه

على طبطابي : والطبطاب هو البلاط اللي بيعمل بيه الغرف والبيت وكان يقال الطبطاب والله نظيف او ياواد قوم من الارض الطبطاب بارد او الطبطاب وسخ
وكان يقال : طبطاب الجنه لنوع من انواع الحلوى المنزليه

يعطيكي الف الف الف مليون عافيه عالامثال والمصطلحات الحلوووووووووووووووه

ومشكوره ولا تحرمينا جديدك

كلام طويـــــــــــــــــــــــــــل

بس جيــــــــــــــــــد

ثاااااااااااااااااااااااانكس

--------------------

تحياتي

أحلى فرفوش

اقراه يا خويا ايش وراك هدي لهجتك دي

خخخخخخخخ

تسلمي اقيييييييييين

من حلاوة الموضوع رديت مرتين خخخخخخخخخ

ههههههههههههههه

شكراً والله

على المرور الحِلوووو

تسلمي فرفوشة سويت

الله لا يحرمنا جديدك

lol!

ولا
منك
يااارب

ولا مني

خخخخخخخخ

داخل طوووووووووووووول

مشكوره مره تانيه فرفوشه سويت عالموضوع

لاحوووووووول
قاموا قاموا البدوان واهل جده يسرقوا لنا امثال اهل مكه
خخخخخخخخخخخ
لا بس انا مااعرف دي الامثال اصلالالالا
شكرا شكرا
lol!